Dîroka Yekaterinbûrgê digihîje destpêka sedsala 18an ku di heman demê de destpêka geşedanên darayî ye. Di wê serdemê de li Urala navîn kaneyên xwezayî yên dewlemend hatine pêşxistin, gelek darêjxane, kargehên hesin û paxir vebûn. Kargeha li Yekaterinbûrgê di nava kargehên demê de di Rûsyayê hingê de cihekî xwe yê taybet hebû.

7ê (li gor salnameya Yulien 18) mijdara sala 1723an li kargeha metalurjiyê ya li Yekaterinburgê çakuçên hesinî dest bi xebatê kirin. Ev dîrok weke avakirina dîroka bajarê Yekaterinburgê tê qebulkirin.

1. ©Sputnik/Pavel Lisitsyn/Meydana li pêşberî Stasyona Kevn a bajêr a Yekaterinburgê
2. ©Sputnik/Sergey Pyatakov/Katedrala Aleksandr Nevskiy a Xelwetgeh Novo-Tihvinskiy a li Yekaterinburgê
3. ©Sputnik/Pavel Lisitsyn/Avahiya bi qubbe ya Rastorguyev-Haritonovê ya li Yekaterinburgê

Li xaka Rûsyayê kaneya ewil a zêr di gulana 1745an de hate dîtin. Piştî avakirina bajêr bi 100 sal şûnde li herêma ku weke Geliyê Zêrîn tê naskirin ji 85an zêdetir zewiyên zerî hatine keşifkirin.

Di sala 1831an de li derdora bajêr şûnwara pêşîn a zumrudê hat dîtin û derket holê ku ew kanayên zumrudê gelekî dewlemend in. Tenê di 30 salên pêşîn ên xebatan de 2227 kîlo zumrud hat derxistin. Ji wê demê û vir ve li gel kanayên zêr û zumrudê li Ûralê sefîr, aqvamarîn, elmas û kevirên bi qîmet û nîvqîmet ên din û rezervên kevirên xemilandinê jî hatin dîtin.

1. ©Sputnik/Yuriy Somov/Zimrûdê çêkirî yê ku li kargeha cewahîran a Yekaterinburgê
2. ©Sputnik/Pavel Lisitsyn/Kulîçeyên zêrîn yê ku pas nagirin yê ku li kargeha Yekaterinburgê hatine hilberîn
3. ©Sputnik/Pavel Lisitsyn/Maketê abîdevî yê meteorên Uralî yê li Muzeya Jeolojiyê yê Uralê li Yekaterinburgê

Divê mirov li hemberî vê dewlemendiya bêser û bêr şaşwaz nebe, lewra weke ku di meseleke Başkirt de jî hatiye gotin: Çiyayên Uralê yê ku li pesarên wê yê beroj Yekaterinbûrg cih digire, weke kembera dêw a bi sêhr e.

Di dema îro de Yekaterinbûrg piştî Moskow, St. Petersburg û Novosibirskê bi milyon û nîv nifûsa xwe bajarê herî mezin yê çarem e.

Li navenda dîrokî ya Yekaterinbûrgê bi navê Xeta Sor guzergaheke meşê hatîye sazkirin ku tûrîst bi serê xwe bikaribin deverên hêjayê dîtinêne bigerin. Li Xeta Sor sîstemeke mobîl a rêbertiyê heye: Li her noqteya serdanê mirov dikare bi telefonê bigere û derbarê devera lê ya dîrokî bi Rûsî û Ingilîzî agahiyan bistîne. Ji Peykerê Lenîn yê li Meydana 1905an û heta bi dawiya Xeta Sor 35 deverên balkêş yên turîstîk hene. Hin ji van deveran ev in.

Qeraxa Ciwanên Karker a ku yek ji kolanên herî dêrîn ê Yekaterinbûrgê li dorhêla rastê ya Beraja Bajêr ramedî ye. Berê ev qeraxa ku dirêjahiya wê 2 kîlometre ye, weke 3 beşan dihate terxankirin. Yek ji van herêma Gimnaziçekaya ye ku weke 'herêma kevn' a bajêr tê hesibandin. Avahiyên ewil yên vir Keleh û kargeha Yekaterinburgê ne ku sala 1763ê hatine avakirin.

Li ser Xeta Sor devereke balkêş ya turîstîk bi navê Mala Sevastyanov ya ku bi dîtbarî û heybeta xwe mirov şaş û mahtel dihêle heye. Avahiya ku serê pêşî bi şêweya rojavayî hatiye avakirin di sala 1866an de bi hêmanên neo-barok, neo-gotik û neo-moorish hatiye xemilandin.

1. ©Sputnik/Pavel Lisitsyn/Şanogeha Bale û Operayê Dewletê û Peykerê Yakov Sverdlov li Yekaterinburgê
2 - 4. ©Sputnik/Pavel Lisitsyn/Alexey Filippov/Dêra Hemû Ezîzan li Yekaterinburgê

Ji Xeta Sor û hinekî wêdatir Dêra Hemû Ezîzan a di sala 2003an de hatî avakirin heye, ku li wî cihî Mala Îpatîyevê ya di sala 1977an hatî xerabkirin hebû, ku Çar Nikolayê 2yem û malbata wî li wê derê hatibûne înfazkirin.

Devereke din a balkêş li Xeta Sor jî Avahiya Şano û Bale û Operayê ya Yekaterinbûrgê ya ku di salên 1904-1912an de bi şêweya baroka Viyanayê hatiye avakirin heye.

1. ©Sputnik/Pavel Lisitsyn/Ji terasa seyrê ya Baluleya Visotskiy a li Yekaterinburgê dîmenên Gola Isetê
2. ©Sputnik/Konstantin Chalabov/Ji terasê seyrkirinê ya Visotsykiyê dîmenên Yekaterinburgê
3. ©Sputnik/Pavel Lisitsyn/Ji teras seyrkirinê ya Baluleya Visotskiyê dîmenê Sirka Yekaterinbrugê
4. ©Sputnik/Konstantin Chalabov/Ji terasa seyrkirinê ya Visıtskiyê ya li Yekaterinburgê mindalek

Ji bo dîtina Yekaterinburgê ji xeynî gera li Xeta Sor rêbazeke din jî heye. Hem ji bo vê yekê gera bilêz an jî gera ji dereke din hewce nake. Ji bo vê yekê bi tenê mirov dikare derkeve terasa seyrkirinê ya Balulêy Visotskiyê bes e. Li terasa ku bilindahiya wê 186 metre ye hemû Yekaterinbûrg xuya dike. Hemû malîkaneyên li bajêr, avahiyên mîmariya konstruktivist (Yek ji koleksiyonên mîmariyê yên herî kevn li Yekaterinburgê ye) û qubên şeş dêrên rengzêrîn tên xuyakirin.

29ê Îlona 2012an bi awayekî fermî mazûvaniya Yekaterinburg a Kupaya Cîhanê ya FIFA 2018an hate diyarkirin.

Pêşbirkên Kupaya Cîhanê ya FIFA 2018an dê li Arenaya Navendî bi navê xwe yê din Yekaterînbûrg Arena bêne li dar xistin. Ev der bi sahaya xwe ya gogê, bi parkura xwe ya atletîzmê mezintirîn tesîsa werzîşê ya bajêr e.

Stadyum niha li ser daxwaza FIFAyê cardin tê avakirin. Aliyê dîrokî yên trîbûnê wê têne parastin û dê bibine aliyekî xwezayî yên stadyûma nû.

Di dema pêşbirkên Kupaya Cîhanê de 13 hezar kes di trîbûna demkî, bi tevahî 35.000 kes wê cih bigirin. Piştî şampiyonayê dema ku trîbûnên demkî bêne rakirin dê kapasîteya stadyûmê dakeve 23.000 kesan. Mezinahîya stadyumê 105x68 metre ye.

15, 21, 24 û 27ê Tîrmehê de li Yekaterînbûrg Arena dê 4 maçên grubê bêne lîstin.

Bi balafirê: Balafirxaneya Koltsovoyê ya Navnetewî, mezintirîn balafirxaneya li herêmê ye. Ji Moskowê ber bi bajêr ve bi balafirê 2 saet û nîv e.

Bi trênê: Ji Moskow û St. Petersburgê bo Yekaterinburgê bi trênê jî çûn û hatin heye. Bi trêne ji Moskowayê rojek û 5 saaet dikşîne, ji St. Petersburgê jî bo bajêr rojek û 11 saet dem dikşîne.